Абсаттар Сыргабаев Өзбекстандын Кыргызстандагы элчиси менен жолугушту

Бүгүн Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев Өзбекстан Республикасынын Кыргызстандагы Атайын жана ыйгарым укуктуу Элчиси Хуршид Мирзахидов менен жолугушту.

Тараптар эки өлкөнүн достук мамилелерин бекемдөө, соода-экономикалык, социалдык, туризм тармагындагы Жалал-Абад облусунун орду, кызматташуунун алдыдагы натыйжалуу багыттары тууралуу пикир алмашты.

Ыйгарым укуктуу өкүл акыркы жылдары Жалал-Абад облусу менен Өзбекстан Республикасынын чектеш аймактарынын ортосунда ар тараптуу кызматташуу аракеттери жанданганын белгиледи. Ошол эле учурда түзүлгөн Жол картасына ылайык, коңшу өлкөнүн Наманган облусу менен ири долбоорлор башталганын кошумчалады.