Облус башчысы кесипке багытталган кыска мөөнөттүү окуу курстарын уюштурууну тапшырды

Бул багытта Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, облустун 2024-жылдагы жыйынтыгы, 2025-жылга коюлган пландарын караган коллегияда айтты.

Ыйгарым укуктуу өкүл облустун социалдык-экономикалык, турсттик потенциалын жогорулатуу үчүн “Бекмамат Осмонов” атындагы Жалал-Абад мамлекеттик университетинин, Сузак районундагы №36 кесиптик лицейинин базасында кыска мөөнөттүү окуу курстарын уюштурууну тапшырды.

Өкүл облуста курулушу башталган Кытай-Кыргызстан-Өзбекстан темир жолу, 2025-жылы “Жалал-Абад эл аралык аэропортунун” курулушу башталаарын эске салып, алдыдагы убакытта бул багыттагы адистерге болгон муктаждык жаралаарын белгиледи. Ага катар келген туристтерге жана элге сапаттуу сервистик тейлөө көрсөтүүчү адистерди даярдоону эскертти.