Тилек Текебаев кыздар лицейинин окуучулары менен жолугушту

Бүгүн Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев Манас шаарында жайгашкан “Зуура Нурматова” атындагы кыздар лицейинин жогорку классынын окуучулары менен жолугушту.

Жолугушуу алкагында облус башчысы Тилек Текебаев окуучуларга өзүнүн өмүр жана эмгек жолу тууралуу кенен маалымат берип, эркин форматтагы окуучулардын кызыктырган суроолоруна жооп берди.

Ыйгарым укуктуу өкүл Тилек Текебаев окуучуларды терең билим алууга, дүйнө таанымын кеңейтип, ар тараптуу өнүгүүгө, туура кесип тандоого жана коомдун өнүгүүсүнө салым кошкон инсандардан болууга чакырды. Ал ошондой эле жаштарды активдүү болууга, идеяларын ишке ашырууга жана лидерлик сапаттарын өнүктүрүүгө үндөдү.

Жолугушуунун соңунда облус башчысы активдүү катышкандарга өзүнүн белектерин тапшырды.