Жалал-Абадда Кыргызстандын Кубогун уткан “Мурас Юнайтед” клубун сыйлоо аземи өттү
Бүгүн Жалал-Абад шаарындагы Курманбек стадионунда футбол боюнча Кыргызстандын Кубогун жеңип алган “Мурас Юнайтед” клубунун оюнчуларын сыйлоо аземи өттү.
Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев, жергиликтүү бийлик жана шаар тургундары катышты.
Облус башчысы футбол клубдун спортчуларын ийгилиги менен куттуктап, бул жеңиш жалпы аймактын спорттогу сыймыгы экенин белгилеп, резервдик фондунан бөлүнгөн 200 миң сом акча каражатын тапшырды.
Куттуктоо салтанаты концерттик программа жана фейерверктер менен коштолду.
