Кара-Көл шаарында асфальтталган Исмаил Курманалиев көчөсү ачылды
Бүгүн Кара-Көл шаарынын Исмаил Курманалиев көчөсүндөгү узундугу 3,5 чакырым жол асфальтталып, пайдаланууга берилди. Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, шаар мэри Нуртилек Оорозбаев жана шаар тургундары катышты.
Ачылыш аземинде облус башчысы Тилек Текебаев шаар тургундарын куттуктап, бул демилге шаарды көрктөндүрүү жана жол инфраструктурасын жакшыртууга багытталган жумуштардын бири экенин белгиледи.
Кара-Көл шаарындагы ички жолдордун жалпы узундугу 22,6 чакырымды түзүп, бүгүнкү күндө анын 11,5 чакырым аралыгы жаңыланган. Мындан сырткары 1600 метрге жакын аралыкка тротуар төшөлгөн.
