Кадрлар резервине кирүү үчүн ачык сынак жарыяланат
Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аппараты кадрлар резервине кирүү үчүн ачык сынак жарыялайт
Административдик кызмат орундарынын
башкы тобуна кадрлардын резервине кабыл алуу үчүн ачык сынак жарыялайт.
ТАЛАПКЕРЛЕРГЕ КОЮЛГАН КВАЛИФИКАЦИЯЛЫК ТАЛАПТАР:
1.Башкы топтогу административдик мамлекеттик кызмат орду (Б-Б) төмөнкүдөй типтүү квалификациялык талаптар белгиленет:
- кесиптик билимдин деңгээли:
– тиешелүү багыттагы жогорку билим;
- иш стажы жана тажрыйбасы:
– мамлекеттик жана/же муниципалдык кызматтын стажы жалпысынан 3 жылдан кем эмес же тиешелүү кесиптик чөйрөдөгү иш стажы 5 жылдан кем эмес.
- кесиптик компетенттүүлүгү:
– төмөнкүлөрдү билүү:
КРнын жалпы мыйзамдарын, ошондой эле тиешелүү кызмат орду боюнча иш чөйрөнү регламенттөөчү мыйзамдарды;
-Кыргыз Республикасынын Конституциясы;
-КРнын “Министрлер Кабинети жөнүндө” КРнын Конституциялык Мыйзамы;
-Кыргыз Республикасынын Эмгек кодекси;
-“Жарандардын кайрылууларын кароонун тартиби жөнүндө” Кыргыз Республикасынын Мыйзамы;
– Кыргыз Республикасынын “Мамлекеттик жарандык кызмат жана муниципалдык кызмат жөнүндө” Мыйзамы;
– Кыргыз Республикасынын “Ченемдик укуктук актылары жөнүндө” Мыйзамы;
– Кыргыз Республикасынын “Кызыкчылыктардын кагылышуусу жөнүндө” Мыйзамы;
– “Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагында турган маалыматтарга жетүү жөнүндө” Кыргыз Республикасынын Мыйзамы;
-Кыргыз Республикасынын “Коррупцияга каршы аракеттенүү жөнүндө” Мыйзамы;
-Кыргыз Республикасынын Өкмөтүнүн 2020-жылдын 3-мартындагы №120 токтому менен бекитилген Кыргыз Республикасындагы иш кагаздарын жүргүзүү боюнча типтүү нускама, ошондой эле тийиштуу тармактагы предметтик закондор,
-адам ресурстарын башкаруу жаатында;
-кызматтык милдеттерди аткаруу үчүн зарыл болгон көлөмдө мамлекеттик жана расмий тилдерди билүү;
Сынакка катышуу үчүн төмөндөгү документтер тапшырылат:
Конкурстук комиссиянын төрагасынын атына мамлекеттик кызматтын тобун көрсөтүү менен жазылган жеке арыз;
- Резюме (электрондук почтаны жана телефон номерин көрсөтүү менен);
- Өздүк таржымал (соттуулугу бар же жок экендиги жөнүндө маалыматты көрсөтүү менен);
- нотариустан же акыркы иштеген жеринен күбөлөндүрүлгөн негизги жана кошумча билимин (бар болсо) ырастаган документтердин көчүрмөсү;
- нотариустан же акыркы иштеген жеринен күбөлөндүрүлгөн эмгек китепчесинин көчүрмөсү (иш стажы бар болсо);
- илимий даражаны жана илимий наамды ыйгаруу жөнүндө документтердин көчүрмөлөрү (бар болсо);
- Паспорттун көчүрмөсү (түп нускасы сынакка келгенде көрсөтүлөт).
Документтерди кабыл алуу 2024-жылдын 8-апрелине чейин саат 8.30дан 17.30га чейин жүргүзүлөт.
Дареги: Жалал-Абад шаары, Эркиндик көчөсү-11, 3-кабат, 302-кабинет,
тел.: (03722) 2-16-40